Einar Már Sigurðarson:
Herra forseti. Hér flytjum við tillögu sem er fyrst og fremst táknræn um að áhugi sé á því að spara í ríkiskerfinu. Í fyrsta lagi leggjum við til að önnur gjöld ráðuneyta lækki um 800 millj. kr. en þetta eru um 2,5% af þessum liðum samanlagt. Í öðru lagi að ráðuneytum verði falið að skera niður ferða- og risnukostnað um 400 millj. kr. sem er um 20% af þessum samanlögðu liðum. Hér er því gerð tillaga um að skera niður um 1.200 millj. Ég segi já, herra forseti.