Guðmundur Árni Stefánsson:
Herra forseti. Hér á ferðinni ákaflega undarleg heimild og í raun og sanni hafa engar raunhæfar skýringar komið fram af hverju hennar er leitað því að samstarfsmöguleikar sjúkrahúsa eru heimilir í lögum. Hins vegar liggur fyrir samkvæmt munnlegum yfirlýsingum að hér sé um að ræða heimild Alþingis til handa sjúkrahúsum að leita möguleika á því að fara í hlutafélagavæðingu með hinum og þessum úti í bæ. Ég hef af því áhyggjur af því að skýringar liggja ekki fyrir og mun því ekki bera ábyrgð á þessari heimild og greiði ekki atkvæði.