Frsm. meiri hluta samgn. (Árni Johnsen) (andsvar):
Virðulegi forseti. Það er ástæða til að vekja athygli á því við hv. þm. Árna Steinar Jóhannsson að mjög gott samstarf og samstaða er í meiri hluta samgn. Það er líka ástæða til að minna á það vegna þess að þingmaðurinn hefur áhyggjur af landsbyggðinni að þingmenn Sjálfstfl. eru í fararbroddi í sókn og vörn fyrir landsbyggðina og landið í heild með tilliti til sérstöðu ýmissa landshluta. (Gripið fram í.) Það hafa verkin sýnt og sannað og dæmið gengið fram og það léttir vonandi á áhyggjum hv. þm. þegar hann hugleiðir það nánar.