Árni Steinar Jóhannsson:
Virðulegi forseti. Ég vil að fram komi að ég er andvígur þeim breytingum sem er verið að gera á stjórn Byggðastofnunar með því að færa stofnunina undir eitt fagráðuneyti. Ég held að umræðan á Alþingi um breytingar á Byggðastofnun og hvernig það tæki væri hægt að nota til þess að efla landsbyggðina hefði átt að vera miklu markvissari. Ég mun því sitja hjá við heildaratkvæðagreiðslu en greiði atkvæði á móti þessari grein.