Ásta R. Jóhannesdóttir (andsvar):
Herra forseti. Þetta er ótrúlegur málflutningur hjá þingmanninum. Að halda því fram að hann hafi ekki skipt um skoðun, búinn að vera að berjast fyrir því, og aðalmálflutningur hans í prófkjöri fyrr á árinu var að það skyldi vernda Eyjabakka. Núna er hann að flytja málið fyrir hönd stjórnarliðanna í minni hlutanum í umhvn. um að það skuli sökkva Eyjabökkum. Vissulega hefur hv. þm. skipt um skoðun. Maður gæti haldið að þarna hefði hv. þm. í fyrirrúmi máltækið: Ef þú getur ekki sigrað andstæðinginn þá skaltu ganga í lið með honum.