[prenta uppsett í dálka] 51. fundur, 125. lþ.
Guðmundur Árni Stefánsson:
Herra forseti. Þessi breytingartillaga frá þingmönnum Samfylkingarinnar er tilraun til sáttargerðar í þessu viðkvæma deilumáli og með samþykkt hennar er skotið stoðum undir málsmeðferðina og tilraunir til að leiða saman ólík sjónarmið í málinu. Þótt lög kveði ekki á um nauðsyn mats af umhverfisáhrifum vegna Fljótsdalsvirkjunar er skynsamlegt að fara þá leið málsins vegna. Með samþykkt tillögunnar kann að vera að einhverra mánaða töf verði á framkvæmdum en með jákvæðri afgreiðslu hennar er þó jafnframt tryggt að framkvæmdir munu ganga fram en um leið byggja á traustum grunni og fjölga til muna stuðningsmönnum virkjunaráforma. Ég segi já.
