[prenta uppsett í dálka] 51. fundur, 125. lþ.
Rannveig Guðmundsdóttir:
Herra forseti. Ríkisstjórn Davíðs Oddssonar stendur svo fávíslega að málum að ósætti og heift sundra þjóðinni. Þjóðkjörnum fulltrúum er neitað um tíma, neitað um rök, neitað um upplýsingar í afdrifaríku máli sem varðar náttúruauðæfi, svimandi fjárupphæðir og byggðir sem eiga í vök að verjst.
Tillaga um umhverfismat, sem hefði bætt úr þessu og rík krafa er um, hefur verið felld. Þjóðareining og sátt eru orðin tóm á Alþingi. Ég segi nei.
