[prenta uppsett í dálka] 55. fundur, 126. lþ.
Forsætisráðherra (Davíð Oddsson):
Forseti Íslands hefur að tillögu minni á grundvelli fyrri málsliðar síðari mgr. 23. gr. stjórnarskrárinnar gefið út svohljóðandi bréf:
,,Forseti Íslands gjörir kunnugt:
Ég hefi ákveðið, samkvæmt tillögu forsætisráðherra, að Alþingi skuli koma saman til framhaldsfunda mánudaginn 15. janúar 2001 kl. 13.30.
Gjört á Bessastöðum, 10. janúar 2001.
Ólafur Ragnar Grímsson.
-------------------
Davíð Oddsson.
Forsetabréf um að Alþingi skuli koma saman til framhaldsfunda.``
Framhaldsfundir Alþingis hefjast því nú á ný. Hæstv. forseta, hv. alþm., svo og starfsmönnum Alþingis óska ég gleðilegs árs, þakka hið liðna og býð menn velkomna til þingstarfa og læt í ljós þá ósk og von að störf okkar megi verða landi og lýð til blessunar.
