[prenta uppsett í dálka] 60. fundur, 126. lþ.
Þuríður Backman (andsvar):
Herra forseti. Ég held við þurfum ekkert að karpa um þessa málsgrein, hún stendur. Það er framkvæmd laganna sem dómurinn hefur dæmt ómerka. (Gripið fram í: Skerðingin.) Það er dæmt ómerkt að skerða megi tekjutryggingu öryrkja með hliðsjón af tekjum maka.
Mér finnst ótrúlegt hvernig stjórnarliðar Framsfl. leggja sig í líma við að reyna að réttlæta þessa skerðingu, upp á rúmar 7 þús. kr. sem nú á að taka af þessum hópi öryrkja. Mér finnst merkilegt að fylgjast með hversu hart þeir leggja að sér við að reyna að réttlæta þessa skerðingu.
