Ásta R. Jóhannesdóttir (andsvar):
Herra forseti. Ég bendi hv. þm. á staðtölur almannatrygginga sem eru fylgiskjal með minnihlutaálitinu. Þar kemur það ljóslega fram, bæði í töflu og í línuriti, að það sem ég hef sagt er staðreynd. Þessi ríkisstjórn skar á tengsl lífeyris og launa. Síðan hefur þróunin verið eins og hér kemur fram. Ég held að hv. þm., sem á sæti í fjárln., ætti að kynna sér þær upplýsingar frá kjararannsóknarnefnd sem birtast í staðtölum almannatrygginga frá 1999.