[prenta uppsett í dálka] 64. fundur, 126. lþ.
Guðjón A. Kristjánsson (andsvar):
Herra forseti. Hv. 5. þm. Vestf. var í ræðustól í dag og talaði þá um gegnumrotna bankastjóra í ríkisbönkunum, svo ég fari rétt með þau orð. (Gripið fram í: Í Landsbankanum.) Það er sú málefnalega rökræða sem hérna hefur farið fram.
Ég skal hins vegar verða við þeim orðum hv. þm. Árna Johnsens að halda mig við rök. Ég spurði í ræðu minni fyrr í kvöld um skilning þingmanna stjórnarliðanna á 72. gr. stjórnarskrárinnar um eignarréttinn þegar dómur væri genginn. Ég hef ekki heyrt neitt svar við spurningu minni um það hvaða skilning þeir leggja í 72. gr. stjórnarskrárinnar með tilliti til þess að öryrkjum hafi verið dæmdur ákveðinn réttur, hvort þeir líti svo á að þeir hafi öðlast eignarrétt. Ég vona að þetta sé málefnaleg spurning.
