[prenta uppsett í dálka] 70. fundur, 126. lþ.
Svanfríður Jónasdóttir:
Herra forseti. Getur það réttlætt lakari þjónustu við fólk hvað varðar sjúkraflug að áætlunarflug minnki eða hætti? Störfum hefur greinilega verið að fækka við þessa þjónustu úti á landi og afleiðingin er augljós. Hún er óöryggi, hún er það ástand sem hv. þm. Kristján L. Möller lýsti áðan og ekki er auðvelt að sjá hvernig á að mæta þörfum fólks þegar þannig er farið í málin.
Í frétt Dagblaðsins segir og það er starfsmaður samgrn. sem talar, með leyfi forseta:
,,Ætlunin er að fara í það á þessu missiri að reyna að finna eitthvert það kerfi sem getur komið til móts við þarfir sjúkraflugsins.``
Herra forseti. Þetta getur tæpast talist farsælt og traust en það voru þau orð sem hæstv. ráðherra lét falla áðan um sjúkraflug og samninga um það.
