Halldór Blöndal (andsvar):
Herra forseti. Ég veit ekki hvort það er eðlilegt að hv. þm. skýri frá því á lokuðum fundi í forsætisnefnd hvaða hugmyndir hún hefur um (Gripið fram í.) starfsreglur og starfssvið þessa væntanlega lagaráðs. Ég mundi telja miklu eðlilegra að hv. þm. kveddi sér hljóðs og tæki til máls í þriðja sinn og skýrði ítarlega fyrir okkur þær hugmyndir sem liggja að baki frv. Má kannski segja að tími sé til kominn.