[prenta uppsett í dálka] 86. fundur, 126. lþ.
Ögmundur Jónasson (andsvar):
Herra forseti. Það sem ég sé fyrst og fremst að Evrópusambandið hafi fært okkur er að það hefur skert möguleika okkar til að taka lýðræðislegar ákvarðanir, t.d. á þessu sviði þar sem okkur er stillt upp við vegg og sagt að við verðum að framkvæma á þennan veg.
Það er alveg rétt að ég tók dæmin frá Bandaríkjunum en ekki frá Evrópu. En nú eru menn í Evrópu að halda inn á þessa bandarísku vegferð gegn mjög hörðum andmælum verkalýðshreyfingar í Evrópu sem telur að þetta muni leiða til misræmis, misvægis og fjöldauppsagna. Því miður er reyndin að verða sú.
