[prenta uppsett í dálka] 91. fundur, 126. lþ.
Félagsmálaráðherra (Páll Pétursson) (andsvar):
Herra forseti. Ég er reglulega stoltur af fortíð minni í þessu efni. Það er hv. þm. Jóhanna Sigurðardóttir sem er að reyna að rugla fólk í ríminu.
Tölurnar sem ég las upp áðan fékk ég í morgun frá Gísla Gíslasyni, starfsmanni Íbúðalánasjóðs. Einnig er rétt að hafa í huga varðandi viðbótarlánin að þeir íbúðareigendur sem hafa fengið þau fá samtímagreiddar vaxtabætur. Varðandi það hvort 5,7% eru óeðlilega háir vextir þá er rétt að taka fram að við búum við það að óverðtryggð skuldabréfalán bera 18% vexti og verðtryggð skuldabréfalán bera 12% vexti.
