Mörður Árnason (andsvar):
Ég fagna því, virðulegur forseti, að við félmrh. erum að nálgast á þessu sviði, en kannski væri þá ástæðan mest til þess að ráðuneytið sjálft sæi fyrir upplýsingastarfsemi til atvinnurekenda um það gagn sem þeir og launamenn hefðu af því að setja á stofn eða taka þátt í svona námskeiðum og þá möguleika sem fengjust til að reka þau af því fé sem á að fara í starfsmenntun. Því vissulega er þetta starfsmenntun þó með öðrum hætti sé en venjulega á við.