Sigríður Jóhannesdóttir:
Hæstv. forseti. Ég sit í hv. menntmn. og hef tækifæri til að fjalla um frv. þar. En mig langar samt til að það komi fram hér að ég fagna þeirri opnun sem mér finnst felast í þessu frv. á að til geti komið aðrar menntaðar stéttir inn í leikskólann heldur en aðeins leikskólakennarar þó að þeir fari þar með forræði og hafi yfirumsjón með deildum. Skilningur minn er sá að frv. opni á að til geti komið stétt fóstruliða inn í leikskólana sem fái þar einhver réttindi og möguleika til að fá stöðu. Ég held að það væri til mikilla bóta og þess vegna vil ég lýsa yfir stuðningi við það.