[prenta uppsett í dálka] 113. fundur, 126. lþ.
Guðjón A. Kristjánsson (andsvar):
Herra forseti. Hv. þm. Hjálmar Árnason talaði um að mönnum nýttist ekki námið í Sjómannaskólanum. Ég tel að það hafi breyst við upptöku áfangakerfisins m.a. í Stýrimannaskólanum. Þar eru menn að taka sömu áfanga og eru almennt í framhaldsskólum, þ.e. sömu áfangar eru notaðir. Það ætti að koma að fullum notum fyrir ungmenni ef þau vilja nýta sér áfangana í öðru námi en svo var ekki þegar skólinn var með bekkjakerfið. Þá nýttist það ekki.
