Forseti (Guðjón Guðmundsson):
Að sjálfsögðu er forseti sammála hv. þm. um það að öll sjónarmið þurfi að koma fram en þingmenn verða auðvitað sjálfir að vera á verði og biðja um orðið þegar þeir vilja taka til máls. Það hefur gjarnan verið litið í gegnum fingur með það hér í forsetastól að menn fengju að skrá sig á mælendaskrá þó mál væru ekki komin á dagskrá. Það hafði enginn gert og enginn bað um orðið þegar forseti boðaði þetta mál ítrekað á dagskrá áðan. Mér finnst þetta frekar ósanngjörn gagnrýni.