[prenta uppsett í dálka] 119. fundur, 126. lþ.
Frsm. meiri hluta efh.- og viðskn. (Vilhjálmur Egilsson) (andsvar):
Virðulegi forseti. Ég hef ekki orðið var við að það væri neinn sérstakur staðall um framsöguræður formanna nefnda. Ég gerði grein fyrir því sem kemur fram í nál. Síðan bætti ég við skoðunum mínum um þetta mál og ég tel að það sé alveg í samræmi við það sem tíðkast í framsöguræðum. Ég hélt reyndar að það væri þannig á hinu háa Alþingi að frekar væri ætlast til þess að þingmenn segðu skoðanir sínar en að þeir pakki þeim niður.
