[prenta uppsett í dálka] 120. fundur, 126. lþ.
Frsm. allshn. (Þorgerður K. Gunnarsdóttir):
Virðulegi forseti. Ég mæli fyrir nefndaráliti frá hv. allshn. um frv. til laga um breyting á lögum um Landhelgisgæslu Íslands.
Með frumvarpinu er lagt til að fellt verði niður ákvæði laganna um að við smíði varðskips og í tilteknum tilvikum við viðhald þess sé ekki skylt að láta fara fram útboð á verkinu. Eftirlitsstofnun EFTA hefur gert athugasemd við þetta ákvæði núgildandi laga og er frumvarpið lagt fram í kjölfar samkomulags við stofnunina.
Mælir allsherjarnefnd með því að frumvarpið verði samþykkt óbreytt.
