Frsm. efh.- og viðskn. (Vilhjálmur Egilsson):
Virðulegi forseti. Ég mæli hér fyrir nál. og brtt. frá efh.- og viðskn. vegna frv. til laga um breyting á tollalögum.
Mál þetta snýst um að hægt sé að fella niður tolla frá tilteknum ríkjum. Þau ríki eru í hópi fátækustu þróunarríkja í heiminum. Þetta er liður í alþjóðlegri viðleitni til að bæta stöðu þessara ríkja.
Nefndin gerir tillögu til breytingar á frv. í tveimur liðum. Aðallega felst breytingin í því að búinn verði til viðauki við lögin þar sem þessi ríki séu talin upp. Með þessari breytingu leggur nefndin til að frv. verði samþykkt.