Frsm. efh.- og viðskn. (Vilhjálmur Egilsson):
Virðulegi forseti. Ég mæli hér fyrir nál. frá efh.- og viðskn vegna frv. til laga um breyting á lögum um Lífeyrissjóð bænda. Nefndin hefur fjallað um þetta mál og sent það til umsagnaraðila sem getið er á þskj. 1218.
Nefndin gerir smávægilegar tillögur um breytingar á málinu. Þær eru fyrst og fremst tæknilegs eðlis og ganga út á að innheimtan sem á að koma til í Lífeyrissjóði bænda verði skilvirkari og skýrari en gert er ráð fyrir í frv.