Guðjón A. Kristjánsson:
Herra forseti. Ég vil vekja athygli á því að þrátt fyrir nefndavinnuna í nótt tel ég að við séum að taka til umræðu mál sem er enn þannig í pottinn búið að það stangist á við viðmið sem eðlilegt væri að hafa, ætli menn að ræða frv. eins og þetta.
Herra forseti. Ég bendi á að í 2. gr. frv. eru ákvæði sem hvergi finnast nema í samningi Vélstjórafélagsins. Þau orð sem þar standa finnast hvergi í kjarasamningum annars staðar en í nýjum samningi Vélstjórafélagsins þannig að það fer ekkert á milli mála að menn eru enn við sama heygarðshornið.