Frsm. félmn. (Magnús Stefánsson):
Herra forseti. Ég mæli fyrir nál. félmn. um frv. til laga um sölu kristfjárjarðanna Arnheiðarstaða og Droplaugarstaða í Fljótsdalshreppi.
Við umfjöllun málsins fékk nefndin umsögn frá sveitarstjórn Fljótsdalshrepps.
Með frumvarpinu er lagt til að heimilt verði að selja kristfjárjarðirnar Arnheiðarstaði og Droplaugarstaði í Fljótsdalshreppi ábúendum og að andvirði þeirra verði varið til félagslegra framkvæmda í hreppnum.
Félmn. mælir með því að frv. verði samþykkt óbreytt og að þessu áliti standa allir hv. þm., fulltrúar í félmn., en hv. þm. Steingrímur J. Sigfússon skrifaði undir álitið með fyrirvara.