Frsm. iðnn. (Hjálmar Árnason):
Herra forseti. Ég mæli fyrir nál. iðnn. um till. til þál. um atvinnuuppbyggingu og þróun sjálfbærs samfélags í Hrísey, á þskj. 1203.
Tillögugreinin miðar að því að efla atvinnuuppbyggingu í Hrísey og þróun sjálfbærs sam félags á eynni í anda Staðardagskrár 21.
Nefndin fjallaði um málið og skoðaði vel umsagnir sem bárust og í grg. með tillögunni er fjallað um og bent á ýmis úrræði til að ná því markmiði sem tillagan gerir ráð fyrir. Nefndarmenn voru ekki sammála öllum þeim atriðum sem þar er bent á en eftir að hafa fjallað ítarlega um málið varð nefndin einhuga um að vísa því til hæstv. ríkisstjórnar.