Sjávarútvegsráðherra (Árni M. Mathiesen):
Herra forseti. Það er auðvitað skylda þeirra sem vitna í orð annarra að þeir vitni rétt í þau og láti þau koma fram þá í heilu lagi, en taki þau ekki úr samhengi. Þegar þessi orð féllu var verið að tala um þau í því samhengi að Sjómannasambandið í heilu lagi og Framanna- og fiskimannasambandið aflýstu verkfallinu, það mun hv. þm. sjá í þeim texta sem verið er að vísa til í þessu og þá getur hún séð að þetta er í engu samhengi við það sem hún er að reyna að halda fram.
Og eins og ég sagði áðan, sjómannaforustan áttar sig á því að breytt staða í þessum efnum kallar á breytta afstöðu í þessu máli. Hv. þm. gera það ekki, en það er þeirra mál.