Svanfríður Jónasdóttir:
Herra forseti. Hér er meiri hlutinn á Alþingi að setja þá sem aldrei boðuðu verkfall og þá sem aflétt hafa verkfalli í góðri trú vegna orða hæstv. sjútvrh. undir svokallaðan gerðardóm sem byggja mun á illræmdum vélstjórasamningi, samningi sem einungis 163 menn vilja una af þeim 6 þús. sjómönnum sem við það ástand verða þó að búa. Ég mótmæli þessu harðlega, herra forseti, og segi nei.