[prenta uppsett í dálka] 127. fundur, 126. lþ.
Ögmundur Jónasson (andsvar):
Herra forseti. Hæstv. samgrh. tekur undir sjónarmið mín. Ég var að vekja athygli á því að það væru fjárfestar fyrst og fremst sem rækju á eftir einkavæðingu og sölu Landssímans. (Gripið fram í.) Þeir óska eðlilega eftir því að komast yfir þennan gullmola sem skilað hefur ríkissjóði 20.000 millj. í ríkisfjárhirslur á síðustu tíu árum. Þetta ætlar hæstv. ráðherra að láta af hendi. Að sjálfsögðu vilja lífeyrissjóðir og aðrir fjárfestingaraðilar komast yfir þennan gullmola.
En ríkið, þjóðin á annað og betra skilið vegna þess að þessi kostur er einnig góður fjárfestingarkostur fyrir hana. Og það er dapurlegt að hugsa til þess hve lélega hagsmunagæslumenn þjóðin á í þeirri ríkisstjórn sem nú fer með völd í þessu landi.
