[prenta uppsett í dálka] 129. fundur, 126. lþ.
Þorgerður K. Gunnarsdóttir (andsvar):
Herra forseti. Ég las áðan upp og bar saman tekjur hafna árið 1999 og þar inni í er Straumsvík. Hafnarfjörður er með rúm 7%, Vestmannaeyjar með rúm 5%, Reykjavík 39%.
Ég einmitt fagna því mjög að það skuli vera einkaframkvæmd í Hafnarfirði. Ég hefði ekkert út á þessa framkvæmd að setja í Vestmannaeyjum ef hún væri einkaframkvæmd. En þarna er einfaldlega verið að niðurgreiða samkeppni, samkeppni við einkaaðila sem er að framkvæma mjög merka skipastarfsemi í Hafnarfirði. Þar er einkaaðili. En í Vestmannaeyjum og á öðrum stöðum er um ríkisstyrkta framkvæmd að ræða.
