Lúðvík Bergvinsson:
Virðulegi forseti. Hér er um það að ræða að frv. kveður á um að leggja eigi sérstakan skatt á þá sem reka vöruflutningaþjónustu. Kjarninn í þessu máli er einfaldlega sá að embættismenn hafa ákveðið að tiltekna fjárhæð vanti til að reka stjórnsýsluna og hér er ætlunin að samþykkja það að leggja á nokkrar milljónir í skatt, sérstaklega á þá sem reka vöruflutningaþjónustu.
Ég held að það sé ágætt, virðulegi forseti, að ríkisstjórnin sitji ein uppi með þetta og því sitjum við hjá.