Viðskiptaráðherra (Valgerður Sverrisdóttir) (andsvar):
Hæstv. forseti. Það er mjög rausnarlegt að bjóða upp á þverpólitíska umræðu um byggðamál. Mér fannst hv. þm. taka undir það með mér að byggðamálin eru í sjálfu sér alltaf til umfjöllunar vegna þess að þau tengjast svo mörgu sem er til umræðu.
Það er rétt að fólksflóttinn hefur ekki minnkað. En ef okkur greinir á í þessum málaflokki er það kannski það að ég tel ekki að við leysum þessi vandamál með því að ræða þau einangrað á Alþingi að sumarlagi. Það er skoðun mín.