Jóhanna Sigurðardóttir (andsvar):
Herra forseti. Hv. síðasti ræðumaður var fyrst og fremst að taka undir þau sjónarmið sem ég setti fram og ég þakka fyrir það. Það eflir mig í því að það sé kannski rétt þetta tvennt sem ég nefndi, að einhver ákveðin rannsókn fari fram á orsökum og afleiðingum þess sem við erum að fjalla um og síðan fari nefnd í málið. Fróðlegt verður að hlýða á það hér á eftir hvort flm. þessarar tillögu geti tekið undir þau sjónarmið sem komu fram hjá mér og síðasta ræðumanni í málinu.