[prenta uppsett í dálka] 19. fundur, 126. lþ.
Þórunn Sveinbjarnardóttir (andsvar):
Herra forseti. Þessi tillaga fullnægir algjörlega þeim kröfum sem Blaðamannafélag Íslands hefur sett fram. Það liggur alveg ljóst fyrir. Það er ekki verið að skerða athafnafrelsi blaðamanna á einn eða annan hátt með því að samþykkja þessa tillögu. Kannski liggur hundurinn þar grafinn í misskilningi okkar hv. þm. Ögmundar Jónassonar.
En ef mig misminnir ekki var hv. þm. vinstri grænna, Jón Bjarnason, meðmæltur breytingu í þessu formi hér síðla vetrar, þannig að eitthvað hefur breyst í ranni vinstri grænna. (ÖJ: Nei, nei, hver talar fyrir sig í þessu máli.)
