Fjármálaráðherra (Geir H. Haarde):
Herra forseti. Ég mæli hér fyrir frv. til laga um breyting á lögum nr. 75/1981, um tekjuskatt og eignarskatt, með síðari breytingum. Þetta frv. er systurfrumvarp þess frv. sem hér hefur verið rætt í dag og í síðustu viku um breytingar á lögum um tekjustofna sveitarfélaga og byggist á tillögum nefndar sem endurskoðað hefur tekjustofna sveitarfélaganna og lagt fram tillögur þar að lútandi.
Sá hluti tillagna tekjustofnanefndar sem snertir tekjustofna ríkisins, birtist í þessu frv. Lagt er til að skatthlutfall tekjuskatts einstaklinga lækki úr 26,41% í 26,08%, eða um 0,33%. Gert er ráð fyrir að þessi breyting komi til framkvæmda 1. janúar 2001, vegna staðgreiðslu á árinu 2001 og við álagningu tekjuskatts á árinu 2002.
Ég legg til, herra forseti, að frv. verði vísað til 2. umr. og hv. efh.- og viðskn.