Dómsmálaráðherra (Sólveig Pétursdóttir):
Herra forseti. Ég lít svo á að spurningum hv. fyrirspyrjanda hafi verið svarað. Mér finnst rétt að athugasemdir hennar verði skoðaðar. En ég bendi hins vegar á það og ítreka að vegaeftirlitsmönnum er að sjálfsögðu ekki ætlað að ganga inn í störf lögreglumanna, svo að það sé alveg á hreinu.
Ég þakka hv. þm. fyrir áhuga þeirra á þessum tveimur fsp. í sambandi við umferðaröryggismál. Ég tel mjög mikilvægt að við snúum bökum saman og tökum á til að reyna að snúa við í þeirri óheillaþróun sem orðið hefur að undanförnu og hefur kostað allt of mörg mannslíf. Við þurfum virkilega að standa saman. Við þurfum þjóðarátak.