[prenta uppsett í dálka] 30. fundur, 126. lþ.
Þuríður Backman:
Herra forseti. Ég tek þau sjónarmið að við kvíaeldi eigi öryggis- og heilbrigðissjónarmið að ráða ferðinni. Í dag er í gangi tilraun í sjóeldi og fyrir liggja fyrir umsóknir um stóriðju á þessu sviði. Ég er þeirrar skoðunar að ef við viljum hafa slíkt að atvinnu okkar í framtíðinni og koma upp kvíaeldi þar sem hægt er að stunda það, þá eigum við að standa vel að verki frá upphafi og gæta allra þeirra öryggis- og heilbrigðissjónarmiða sem við þekkjum. Lögin um mat á umhverfisáhrifum eru þau lög sem geta hjálpað okkur við það.
