[prenta uppsett í dálka] 32. fundur, 126. lþ.
Jóhann Ársælsson:
Hæstv. forseti. Mér þykir svörin heldur rýr. Ég gat ekki skilið síðasta svarið öðruvísi en að umhverfisverndarfólk væri tiltölulega ánægt með tillögur ríkisstjórnarinnar sem þarna voru á ferðinni. En menn hafa brugðist illa við þessum tíðindum frá hæstv. ráðherra. Náttúruverndarsamtök Íslands hafa mótmælt þessu og bent á að þau hefðu samsvarandi stefnu og önnur samtök sem hafa alls ekki skrifað upp á slíka stefnu á neinn hátt.
Mér þykir vont ef ekki er hægt að svara því hvort íslensk stjórnvöld ætli sér að vinna þannig að málum í framhaldi málsins núna að hægt sé að taka á því með öðrum þjóðum að ná mengun niður í heiminum og vera með í því átaki. Þannig þurfa Íslendingar auðvitað að vinna að þeir geti gert það. Til þess þurfa þeir vitanlega að fara varlega í samningum við erlend stóriðjufyrirtæki sem hingað koma og sjá til þess að ábyrgðin liggi þar sem hún á að liggja í málinu.
