[prenta uppsett í dálka] 33. fundur, 126. lþ.
Gunnar Birgisson (andsvar):
Virðulegi forseti. Ég vil þakka fyrir þessa umræðu og ég er mjög ánægður að heyra loksins að í þinginu eru einhverjir vinir sveitarfélaganna. Allt í einu spruttu þeir upp. Síðan ég kom á þing hafa þeir verið afar fáir. En nú hentar það minni hlutanum og margir gamlir sveitarstjórnarmenn fengu allt í einu minnið aftur. Ég segi bara: Til hamingju og verið velkomin í liðið að verja hag sveitarfélaganna í landinu. Það er ekki neinu að kvíða miðað við það sem hefur gengið á í þessu máli.
