[prenta uppsett í dálka] 38. fundur, 126. lþ.
Össur Skarphéðinsson (um atkvæðagreiðslu):
Herra forseti. Í þeim brtt. meiri hlutans sem hér liggja fyrir er að finna ýmsar jákvæðar tillögur sem við í Samfylkingunni munum styðja. Við teljum hins vegar að áherslan á ýmsa mikilvæga málaflokka sé alls ekki næg, t.d. á menntamál og kjör aldraðra þar sem Samfylkingin leggur fram tillögu um sérstaka afkomutryggingu. Sömuleiðis þarf aukna áherslu á úrbætur fyrir barnafólk og byggðamál. Við höfum þess vegna lagt fram tillögur um að efla þessa málaflokka verulega umfram tillögur ríkisstjórnarinnar.
Ég legg áherslu á að á móti þessum útgjöldum hefur Samfylkingin lagt fram tillögur um auknar tekjur eða niðurskurð á öðrum útgjöldum þannig að þegar upp er staðið, herra forseti, þá mun afkoma ríkisins batna um einn milljarð samkvæmt tillögum Samfylkingarinnar. Það er ákaflega mikilvægt að þetta komi fram.
