Svanfríður Jónasdóttir:
Herra forseti. Það er afskaplega mikilvægt fyrir jákvæða byggðastefnu að menntunarmöguleikar allra landsmanna séu efldir með öllum tiltækum ráðum. Sú tillaga sem hér liggur fyrir um aukna fjármuni til fjarkennslu á háskólastigi hnígur í þá átt að gera fleirum mögulegt að njóta háskólamenntunar án þess að búsetu þeirra sé raskað. Þess vegna styður Samfylkingin þessa tillögu.