Ísólfur Gylfi Pálmason:
Herra forseti. Hér erum við að greiða atkvæði um að verja 70 millj. til viðbótar í landshlutabundin skógræktarverkefni frá því sem var í fyrri tillögum. Ég lýsi sérstakri ánægju minni yfir þessu. Það eru 200 bújarðir á Suðurlandi sem taka þátt í skógræktarverkefninu. Það er ekki rétt sem hefur komið fram. Hver einasta jörð sem tekur þátt í þessu verkefni fer í mat.