[prenta uppsett í dálka] 43. fundur, 126. lþ.
Gísli S. Einarsson:
Herra forseti. Ég þakka hv. formanni fjárln. fyrir svörin. En hér er um svo mikilsvert mál að ræða að ekki er viðunandi að dokað sé við fram í febrúar eftir svörum um þessi áform ríkisstjórnarinnar. Þegar á haustmánuðum voru farnar að leka til fréttastofa ýmsar upplýsingar um að fyrirhugað væri að draga svo og svo úr framkvæmdum í Reykjavík, að fyrirhugað væri að draga úr framkvæmdum á einhverjum stöðum á landinu en aðallega Reykjavík. Þetta vakti mikla úlfúð í samfélaginu.
Þess vegna tel ég brýna ástæða til þess að það liggi fyrir alveg klárt á morgun hvað ætlað er að skera niður þannig að menn viti hvað þeir eru að samþykkja með því fjárlagafrv. sem verður rætt í lokaumræðu á morgun. Þess vegna, virðulegur forseti, set ég þessa fyrirspurn fram. Það er ekki til að tefja fyrir störfum þingsins heldur frekar til þess að greiða fyrir því starfi sem fyrir liggur á morgun.
Ég ítreka að krafa verður gerð um að þetta liggi skýrt fyrir á morgun
