Jón Bjarnason:
Herra forseti. Þessi liður sem við þingmenn Vinstri hreyfingar -- græns framboðs leggjum til að verði felldur út fjallar um það að gera bráðabirgðasamkomulag við Vesturbyggð um fjárhagslega fyrirgreiðslu í tengslum við fyrirhuguð kaup ríkisins á eignarhluta sveitarfélagsins í Orkubúi Vestfjarða.
Herra forseti. Það er alveg fráleitt að vera að skilyrða fjárhagsaðstoð við sveitarfélög sem eiga í verulegum greiðsluerfiðleikum, að skilyrða fjárhagsaðstoðina því að upp í þá fjárhagsaðstoð séu teknar bestu eignir sveitarfélaganna. Það er alveg hróplegt misrétti sem þarna er ætlunin að beita sveitarfélagið í Vesturbyggð. Þess vegna leggjum við til að þetta falli út.