[prenta uppsett í dálka] 48. fundur, 126. lþ.
Drífa Hjartardóttir:
Herra forseti. Árið 1968 var bannað að flytja kjötmjöl til Íslands og Íslendingar voru þá, eða yfirdýralæknir, mjög langt á undan sinni samtíð má segja. Baráttan við riðuna á Íslandi hefur vakið heimsathygli. Aðgerðir þar að lútandi voru mjög umdeildar en eru það ekki lengur.
Kjötmjölið sem framleitt er núna í kjötmjölsverksmiðjunni á Suðurlandi er allt selt til Danmerkur í gæludýrafóður en fitan fer eitthvað lítils háttar í svínafóður. Það sem fer í kjötmjölsverksmiðjuna kemur frá alveg hreinu svæði, riðu\-fríu svæði, og sláturúrgangurinn er allur heilbrigðisskoðaður. Þetta er í rauninni mjög umhverfisbætandi sem verið er að gera þarna. En ég tek undir með hv. þm. hvað varðar innfluttar vörur.
