[prenta uppsett í dálka] 53. fundur, 126. lþ.
Vilhjálmur Egilsson:
Virðulegi forseti. Þetta frv. tekur á ýmsum málum og eru þau flest til góðs. Sérstaklega hygg ég að áhugavert væri að sjá hvaða afleiðingar þær breytingar sem verið er að gera á skattfrestun á söluhagnaði einstaklinga á hlutabréfum munu hafa í för með sér. Enn fremur er verið að gera ýmsar umbætur á tæknilegum atriðum sem hafa beðið lengi og þær eru flestar skattgreiðendum mjög í hag. Þess vegna er þetta hið besta mál. Ég fagna því hve mikill stuðningur er við þetta mál í þinginu og styð það að sjálfsögðu líka.
