Ferill 407. máls. Aðrar útgáfur af skjalinu: PDF - Word Perfect.
126. löggjafarþing 2000–2001.
Þskj. 662 — 407. mál.
Fyrirspurn
til fjármálaráðherra um kjarasamning ríkisins við framhaldsskólakennara.
Frá Pétri H. Blöndal.
1. Hvað er áætlað að lífeyrisskuldbindingar ríkissjóðs aukist mikið vegna nýgerðs kjarasamnings ríkisins við framhaldsskólakennara:
a. samtals út samningstímann,
b. sem hlutfall af öllum greiddum launum samkvæmt kjarasamningnum,
c. sem hlutfall af launum þeirra sem taka laun samkvæmt kjarasamningnum og eiga lífeyrisrétt sambærilegan rétti í B-deild LSR?
2. Hver er þessi heildaraukning lífeyrisskuldbindinga að meðaltali á:
a. hvern framhaldsskólakennara (stöðugildi) sem tekur laun samkvæmt kjarasamningnum,
b. hvern framhaldsskólakennara sem tekur laun samkvæmt kjarasamningnum og á lífeyrisrétt sambærilegan rétti í B-deild LSR?
3. Hver er ógreidd heildarskuldbinding ríkissjóðs vegna núverandi og fyrrverandi framhaldsskólakennara?
4. Er gætt jafnræðis milli kennara í A-deild og B-deild LSR þar sem hinir fyrrnefndu fá ekki aukinn lífeyrisrétt samkvæmt samningnum?
Skriflegt svar óskast.
Prentað upp.