Ferill 401. máls. Aðrar útgáfur af skjalinu: PDF - Word Perfect.
126. löggjafarþing 2000–2001.
Þskj. 671 — 401. mál.
Svar
forsætisráðherra við fyrirspurn Rannveigar Guðmundsdóttur um þjóðbúninga.
Fyrirspurnin hljóðar svo:
Eru uppi áform um að setja lög og reglugerð um rétta gerð og notkun þjóðbúnings, sbr. lög um þjóðfána Íslendinga og ríkisskjaldarmerkið, nr. 34/1944?
Af hálfu forsætisráðuneytis eru ekki uppi áform um að setja lög um gerð og notkun íslensks þjóðbúnings. Alþingi samþykkti á 123. löggjafarþingi ályktun um að fela menntamálaráðherra að koma á fót þjóðbúningaráði til að varðveita þekkingu á íslenskum búningum og gerð íslenskra búninga, jafnframt því sem ráðinu skyldi falið að koma á fót leiðbeiningarþjónustu. Hefur verið unnið að framkvæmd tillögunnar á vegum menntamálaráðuneytis, sbr. nánar svar menntamálaráðherra við fyrirspurn um íslenska búninga á þskj. 672 (402. mál).
Prentað upp.
