[prenta uppsett í dálka] 57. fundur, 127. lþ.
Forsætisráðherra (Davíð Oddsson):
Handhafar valds forseta Íslands hafa gefið út svohljóðandi bréf:
,,Handhafar valds forseta Íslands, samkvæmt 8. gr. stjórnarskrárinnar, forsrh., forseti Alþingis og forseti Hæstaréttar, gjöra kunnugt:
Vér höfum ákveðið, samkvæmt tillögu forsætisráðherra, að Alþingi skuli koma saman til framhaldsfunda þriðjudaginn 22. janúar 2002 kl. 13.30.
Gjört í Reykjavík, 17. janúar 2002.
Davíð Oddsson. Halldór Blöndal.
Guðrún Erlendsdóttir.
-------------------
Davíð Oddsson.
Bréf handhafa valds forseta Íslands um að Alþingi skuli koma saman til framhaldsfunda.``
Framhaldsfundir Alþingis hefjast því nú á ný. Hæstv. forseta, hv. alþingismönnum, svo og starfsmönnum Alþingis óska ég gleðilegs árs, þakka hið liðna og býð menn velkomna til þingstarfa og læt í ljós þá ósk og von að störf okkar megi verða landi og lýð til blessunar.
