[prenta uppsett í dálka] 59. fundur, 127. lþ.
Heilbrigðisráðherra (Jón Kristjánsson):
Herra forseti. Ég vil þakka fyrirspyrjanda fyrir fyrirspurn hennar og umræðuna um þetta mál. Það er meginatriði eins og stendur að koma málum á hreint milli borgarinnar og ríkisins um eignarhlutinn í þessu húsnæði, og þegar því er lokið er fjöldi hugmynda uppi um nýtingu sem allar eru athyglisverðar. Ég endurtek að mér finnst meginmálið að húsið eigi að nýta í þágu heilbrigðisþjónustunnar. Ég tek undir þau sjónarmið sem hafa einmitt mjög komið fram í viðræðum við mig um þetta mál en þetta hefur verið eitt þeirra verkefna sem hafa verið uppi á borði í heilbrrn. Ég finn að aðilum í heilbrigðisþjónustu er umhugað um að nýta þetta hús í þágu heilbrigðisþjónustunnar, og ég vil starfa í þeim anda.
Ég þakka því fyrirspurnina og að þessu máli hafi verið hreyft á Alþingi. Það er okkur hvatning til þess að halda áfram að starfa að því að fá niðurstöðu þar.
